Humari Kalam Se

Humari Kalam Se

I hope aapko yeh koshish pasand aaye. Arz karti hun ::
 Jab chidhiyon Ke chehakne……..
Sei ubharti thi bhor. Doodh waale Ki khat khat…… 
Sharma aunty ka shor. Maa bulati thi neechei ………
Ki naashta Hai ready. Pocket money thi ... 
Sab yaaron ka mela. Block buster ho movie………
Toh College se bunk. Woh bullet aur Chetak ………
Ki sadhkon per jung. woh Archies Ki Gallery………
aur mehngei woh cards. Woh chui mui Ke bear………
ValentinesKe Hearts. Second ...

Naye daur ki nayi kahaani

Aaj aapko sunati hun

Role swap ka kissa hai yeh

chaliye details batati hun

subah sehar ke 6 baje thei

alarm jab woh bola thaa

biwi jee ne snooze dabaya

bus 5 min aur sona thaa

“5 min aur” karte karte

8 bajne ko aayei jab

Harh badha uth gayi shreemati

hosh thikane aayei tab

Naashta bana rahe thei hubby

Honey !! bolo kya khaaogi

Bread…Cereal…paranthei…. bhi hain

Bolo - Nosh !! kya farmaogi

Gym routine mein lagi huyi hun

Figure maintain nahi karna hai kya

Tum ghee laga dete ho inn per

Paranthei kha kar marna hai kya

Pati dev khabrakar bolei

Acha acha – sorry baba….

Low-fat ….. cereal deta hun

Lunch mein sandwich bana diya hai

Greek yogurt bhi rakh deta hun

iss per Biwi pyar se boli -

Thanks sweetheart – ab chalti hun

Office mein early meeting hai

Sham - der hogi aane mein

Beautician ke sang seating hai

Aaj vacuum tum karke rakhna

Bahut dino se dhool jami hai

Garbage bhi dispose kar dena

Uski badboo thami nahi hai

Laundry ke do load lagana

Dekho whites aur color alag se

Aarav ka homework karwana

School shuru… ho raha hai kal se

Haan haan – sab main kar rakhunga

Munni ko tum khilati jaao

Formula hajam nahi hai hota

Usse apna doodh pilati jaao

Daftar se jab sham ko niklo

Tum Leti aana tamatar aaloo

Ghar ka raashan khatam hua hai

Tabhi karunga chulha chaaloo

Iss per Biwi gurrah kar boli

Mayuri raste nahi hai mere

Apna bazaar kyun nahi ho jaate

Issi bahane ghar se nikloge

Baithei baithe ho rahe ho mote

Chalo…. main bazar ho aaunga

Tum tension toh naa lo - biwi

Cable waale ko tum kahna

Set karke woh jayein TV

Direct TV ke channels kei toh

Sasur jamai serials hain pangei

Bigaadh diya hai tum mardon ko

Grih-shaanti mein daalein dangei

Kab se kah rahi hun tumko

Food channel hi dekha karo tum

roz roz ka simple khana

Naye vyanjan seekha karo tum

Haan - koshish toh karta rahta hun

aglei weekend surprise karunga

Tum ne kabhi na chakha jo hoga

Aisa cuisine design karunga

Jaane weekend woh kab aayega

Issi aas mein saalon hai beete

Sanjeev kapur se kar leti shaadi

swad aata tab mere hissei

Khana toh tum bana lete ho

peit bus bharna ho jis se

Tum toh bus kahte rahte ho

Sasurjee se tum kuch na seekhei

Naaraaz bhala kyun hoti ho tum

Naa Raaz tumse chhupa hai koi

Koshish toh karta rehta hun

Hukum tumhara rukaa na koi

haaye meri kismet hai phooti

mujhko koi aaram nahi hai

baatein hi toh banate ho tum

tum ko toh koi kaam nahi hai !!!

poora din laga rahta hun

pati nahi naukar laana tha

tang aa kar - jaa raha hun mayike

jeevan sangni tumeh maana tha

dekha doston

roz roz ki taana kashti

kahaan kisi ko bhaa paayi hai

dono ka sahyog zaroori

Grihasti tabhi to has payi hai

Daadi amma sahi kahti thi

Do pahiyon per hi chalti gaadhi

Ek jana bhi agar ho dheela

Aa jati hai vipdaa bhaari

Main aur Tum ki behas ko chodho

Ahum ko rakho Hum se door

Ek aur Ek se banao gyaraaah

Pyaar se hota jeevan paripoorn

- Khushi